Netflix në Vitin 2012 edhe në Evropë

Videoteka e suksesshme amerikane Netflix me siguri vitin e ardhshëm do të zgjerojë afarizmin e vet edhe në Evropë, dhe atë në janar. Disa gazeta lokale në Spanjë kanë publikuar këtë informatë, bashkë me njoftimin që fillimisht do të ofrohen 3500 filma për streaming. Burimi i informatës është Pedro Perez, udhëheqës i asociacionit spanjoll të producentëve audiovizualë, përmes të cilit Netflix ka kontaktuar disa anëtarë të kësaj organizate, dhe nëse informata është e saktë, kjo do të thotë që kjo kompani vërtet është duke u përgatitur për një desant në Evropë dhe që Spanja është vetëm pjesë e një plani më të madh.