Honda CR-Z Mugen 197bhp (Video)

Honda CR-Z mund të jetë një nga modelet sportive coupe që nuk ndot ambientin, por sigurisht që nuk është një nga modelet më të ashpra. Tani kompania akorduese Mugen ka vendosur një kompresor në motorin 1.5 litërsh benzinë-elektrik të CR-Z 1.5 dhe ka rritur fuqinë deri në 197bhp dhe 245Nm.
Kjo veturë përmban edhe disa detaje të veçanta në stil në mënyrë që vetura të duket më agresive. Por lajmi kryesor është përmirësimi në shpejtësi: 0-60mph tani e arrin për vetëm 6.6 sekonda.
Projekti i përbashkët nga Honda dhe Euro Mugen do të shfaqet në Festivalin Goodwood të shpejtësisë ​​nga 1 deri në 3 korrik. Sidoqoftë, tani në këtë video mund të shihni dhe dëgjoni atë në veprim.