çifti që fitoi llotarinë 185 milion euro

Prej ditësh flitet se kush është fituesi i llotarisë së famshme EuroMillions prej 185 milion euro. Tani është bërë i ditur identiteti i tyre. Ata janë një çift pensionistësh nga një qytet i vogël në Skoci. “Nuk jemi të frikësuar nga kjo, do të bëjmë qejf,” thonë ata.
Ata pritet të fitojnë 5 milion sterlina në vit vetëm nga interesat, ose dhjetë sterlina çdo minutë.
Kur fituan llotarinë, nuk mund të flinin dot nga gëzimi. Hapën një shishe verë dhe pritën deri në mëngjes. Identiteti i tyre ka mbetur sekret që nga e marta.