Tastiera shqipe nga Samsung Tani Mund Ta Bleni

Më në fund duket se dikush ka dëgjuar kërkesat e konsumatorëve për të pasur një tastierë që ka fizikisht të vendosur shkronjat e gjuhës shqipe “ë” dhe “ç”, duke evituar kështu përfundimisht përdorimin e shkurtesave apo modifikimeve tjera për të shkruar në gjuhën standarde shqipe.
Lehtësira nga përdorimi i kësaj tastiere janë dukshëm të qarta dhe do të kenë efektin e vet në rastin kur do të shfrytëzohen prej atyre që përdorin shkurtesa (si alt+ 135 për “ç” apo alt+137 për “ë”), e gjithashtu edhe për ata që zëvendësojnë “w” me “ë” pasi të përfundojnë shkrimin e një teksti.
Deri tani shumica kanë përdorur modifikime të tilla si ato që u përmenden më lartë, apo kanë ndryshuar funksionet e një tasti të caktuar për të kryer rolin e “ë” dhe “ç”. Unë në tastierën time kam zëvendësuar kllapat e mëdha, me ë dhe ç për shkak se i përdori shumë rrallë dhe në këtë formë më është lehtësuar përgatitja e artikujve në gjuhën shqipe. E preferoj këtë zgjidhje shumë para asaj me zëvendësim të W-jave sepse në teknologji ka terme me W që nuk përkthehen dhe kur e zëvendëson W me “ë” atëherë mund të hasësh fjalë që nuk kanë fare kuptim.
Tastiera shqip është produkt i Samsung, sipas standardit të Microsoft, ndërsa mund të lidhet me laptop apo PC përmes portit USB, dhe kushton vetëm 8 euro, në dyqanin e Optimal në Tiranë.

Posted by Faqja Informative Shqiptare on 6:49 p.d.. Filed under Teknologji . You can follow any responses to this entry through the RSS 2.0. Feel free to leave a response