“U2” sërish në “360 Tour”

Rock grupi “U2” po bëhen gati që të rikthehen me koncertet e tyre në kuadër të “360 Tour”. Stacioni i radhës do të jetë stadiumi “Busch” në St. Louis në Amerikë. Ndonëse në këtë stadium kanë performuar me dhjetëra bende si “Rolling Stones” e “The Beatles”, edhe koncerti i “U2” është bërë temë kryesore e këtij qyteti. “Ata nuk janë më të mirët që kanë performuar këtu, mirëpo ata janë ndër më të mirët që do të përformojnë në këtë qytet”, thuhet në deklaratën e kompanisë, e cila po organizon koncertin. Sipas të dhënave zyrtare deri më tani afro 50 mijë bileta janë shitur ndërkohë që koncerti do të mbahet 25 korrik.