3:41 e paradites | Posted by Faqja Informative Shqiptare

Një adoleshent kishte jetuar 5 vjet në pyll

Policia berlineze është duke mbledhur informacione rreth një adoleshenti, i cili ka pohuar se ka jetuar pesë vjet në mal bashkë me të atin, e i cili befas është shfaqur në Berlin. “Ne ende po përpiqemi të mësojmë identitetin e tij”, ka theksuar një zëdhënës i policisë së Berlinit.
Sipas shtypit gjerman, djali rreth 18-vjeç, thotë se ka emrin Ray, flet anglisht dhe se di vetëm pak fjalë gjermanisht, por nuk e di prej nga është me origjinë.
Me tendën, çantën e shpinës dhe jorganin thes, ai është shfaqur më 5 shtator në hotelin e qytetit të Berlinit, duke shpjeguar se ka jetuar për pesë vjet në pyll bashkë me të atin.
Ky i fundit do të ketë vdekur para dy javësh meqë ishte rrëzuar. Kështu i ka thënë djaloshi policisë, raporton gazeta “Bild”. Kështu ai ka vendosur të ecte në drejtim të veriut, duke u orientuar me një busullë, siç e kishte mësuar i ati. Pas shumë ditësh ecjeje, ai ka mbërritur në Berlin, por nuk di të thotë se në cilin rajon malor ka jetuar këto vitet e fundit.
Ai i ka thënë policisë se pas vdekjes së të ëmës para pesë vjetësh në një aksident komunikacioni, babai ka vendosur ta dërgojë të jetojë në pyll. Që prej atëherë, ata kanë jetuar në tendë, por edhe në gropa që i kanë hapur bashkë, njofton gazeta.
Djaloshi tani është nën përkujdesjen e shërbimit për kujdes për fëmijët. Sipas policisë, gjendja e tij fizike është e mirë.

Posted by Faqja Informative Shqiptare on 3:41 e paradites. Filed under , . You can follow any responses to this entry through the RSS 2.0. Feel free to leave a response