Meda Këtë Vit Thyen rekorde

Këngëtari i shumëkërkuar Mehedin Përgjegjaj Meda është duke korrur suksese të mëdha në koncerte e mbrëmje muzikore. Ai sapo është kthyer nga Ulqini ku ka pasur mbi 10 koncerte në të cilat thotë se është ndjerë mjaftë i kënaqur.
“Këtë sezon vere jam shumë i ngarkuar me koncerte e mbrëmje muzikore, sapo jam kthyer nga bregdeti i Ulqinit ku kam kaluar shumë mirë me adhuruesit e mi”, ka thënë ai për “Zëri”.
Albumi që lansoi gjatë këtij muaji Medës i solli shumë sukses. Ai vazhdon të kërkohet edhe në shumë vende jashtë Kosovës, në të cilat koncerte thotë se po interpreton këngët e reja të albumit. Me gjithë angazhimet muzikore Meda nuk lë anash as hobin e tij ndaj sportit. Ai vazhdon ta drejtojë klubin futbollistik “Hajvalia”.
Mijëra eurot që i fiton duke kënduar, mes tjerash ai po i investon edhe në sport. “Jam drejtor i klubit futbollistik ‘Hajvalia’ dhe bashkë me shokun tim Ragipin vazhdojmë ta mbajmë këtë ekip”, thotë ai. Krahas punës dhe angazhimeve të mëdha në profesion, Meda ka menduar të bëjë edhe pak pushim.
Me datën 21 gusht ai do të udhëtojë drejt bregdetit të Turqisë për t’i kaluar disa ditë pushimi. “Nga puna e madhe që kam, më nevojitet edhe pushimi. Kemi vendosur bashkë me bashkëshorten dhe djalin tim Aldianin t’i bëjmë disa ditë pushim në Turqi”,  ka përfunduar ai.

Posted by Faqja Informative Shqiptare on 3:44 e paradites. Filed under showbiz . You can follow any responses to this entry through the RSS 2.0. Feel free to leave a response