Guardiola kërkon lojë më të mirë

Vetëm pak ore përplasjes se dytë në superkupën e Spanjës, mes rivalëve të përbetuar, Barcelonës dhe Real Madridit, trajneri i skuadrës katalonase ka thënë se skuadra kundërshtare është më e mirë e përgatitur.
Ndeshja e parë e zhvilluar tri ditë më parë në “Santiago Bernabeu”, kishte përfunduar baras 2:2.
“Real Madridi ka treguar lojë më të mirë se ne. Ne gjatë këtyre tri ditëve kemi bërë përpjekje që të përmirësojmë disa gjera. Nëse dëshirojmë fitoren, atëherë ne ndeshjen e dytë duhet të luajmë më mirë se në takimin e parë”, ka thënë Guardiola.
Ai tha se gjatë këtyre tri ditëve skuadra e tij ka punuar mjaft mirë gjatë stërvitjeve.
Ndeshja e dytë e superkupës së Spanjës, në mes Barcelonës dhe Real Madridit, luhet sonte në “Kamp Nou”, duke filluar në orën 23.00.

Posted by Faqja Informative Shqiptare on 3:48 e paradites. Filed under sport . You can follow any responses to this entry through the RSS 2.0. Feel free to leave a response