Sot fillon Premier League

Përkundër dyshimeve për shtyrje të kampionatit, për shkak të protestave në Londër dhe disa qytete tjera të mëdha në Angli, Premier Liga angleze do të fillojë nesër, ndërsa tashmë është publikuar orari i ndeshjeve të cilat do të zhvillohen gjatë kësaj fundjave.
Pas transferimeve të mëdha të cilat i kanë bërë, dhe vazhdojnë t’i bëjnë klubet e katërshes së madhe angleze, pa përjashtuar edhe skuadrat si Manchester City dhe Tottenham, java e parë e këtij kampionati do të përcillet me më shumë kureshtje edhe nga tifozët shqiptar të këtyre klubeve>
Disa nga transferet më të bujshme të skuadrave të ligës më të mirë të futbollit në botë, Premier League, janë: Sergio Aguero, Gael Clichy (Man City), Alex Oxlade-Chamberlain, Gervinho (Arsenal), Oriol Romeu, Lucas Piazon (Chelsea), Jose Enrique, Alexander Doni (Liverpool), Ashley Young, David De Gea (Man United), Brad Friedel, Cristian Ceballos (Tottenham), ndërsa njëri ndër yjet kryesore i cili pritet të largohet nga kjo ligë është Cesc Fabregas i Arsenal.
Tifozët kosovar të Premier Ligës angleze edhe këtë vit ndeshjet kryesore të Ligës Angleze mund t’i ndjekin ekskluzivisht në televizionin kabllor digjital IPKO, ndërsa për dallim prej viteve të kaluara, IPKO këtë vit ka mundësuar që Pako Premium të blihet edhe për një muaj, për një çmim prej 16.66 eurove.
Shumë televizione kanë siguruar të drejtat për transmetimin e Ligës Angleze, Spanjolle, Seria A, Ligën e Kampionëve, Gjermane, Holandeze, Portugeze, Shqiptare, Copa Del Rey në Spanjë, si dhe shumë ngjarjeve të tjera sportive, si NBA, Moto GP, Wimbledon HD, HBO World Boxing, ATP 1000, Golfing World, kampionatin botëror në Basketboll, Formula 1 për më shumë se tri vjet.

Posted by Faqja Informative Shqiptare on 4:37 e paradites. Filed under sport . You can follow any responses to this entry through the RSS 2.0. Feel free to leave a response