I pushojnë nga puna, fitojnë llotarinë
Një ditë pasi 10 nga 18 punonjësit e “Smart Teknolloxhis” mësuan se nuk do të ishin më pjesë e kompanisë në Otaua të Kanadasë, fati krejt papritur i bëri një surprizë.
Fituan llotarinë prej 7 milionë dollarësh kanadez dhe secilit i takonte një shumë prej 400 mijë dollarësh.
Kompania njoftoi shkarkimin e 200 prej punëtorëve të saj. Fituesi i llotarisë, Kolin Willard që kishte punuar për shtatë vjet për “Smart Teknolloxhis” u shpreh i befasuar nga fitorja.
“Po shikoja numrat dhe pyeta dike të vinte dhe t’i shikonte sepse nuk isha i sigurt nëse po i lexoja siç duhet. I kisha fituar të gjithë numrat dhe nisa të dridhesha i tëri”, deklaroi Willard.
Megjithëse fituesit u shprehën realistë se shuma prej 400 mijë dollarësh nuk të bën të pasur, kjo histori do të mbetet mend gjatë sepse fitorja erdhi në një moment të vështirë.
Posted by Faqja Informative Shqiptare
on 4:25 e paradites. Filed under